Пребарувачот.
Овој пребарувач се користи исклучиво само за пребарување на предмети кои се истакнати за аукциска продажба на овој сајт, и не пребарува ништо друго. Пример, ако сакате да проверите дали во моментов постојат уметнички слики на аукција на овој сајт, за тоа постојат 2 начина: едниот е да ја следите соодветната категорија од почетната страница на аукциите и да го разгледате списокот на понудени предмети, а другиот е да во горната графа за пребарување го внесете зборот "slika", или пак конкретното име на сликата која ја барате.

Пронајди предмет по име.
Штиклирањето на оваа опција пред да пребарувате на пребарувачот за аукција го лимитира пребарувачот да бара само објавени предмети по нивното име. Резултатите се истакнати и подредени во табела. Пример, барате "motor", и ја штиклирате оваа опција - во резултатите ќе ви бидат претставени сите мотори кои се во моментот објавени на аукциска продажба, ако во моментот ги има воопшто.

Пронајди предмет по корисничко име.
Штиклирањето на оваа опција пред да пребарувате на пребарувачот за аукција ви овозможува полесно следење на аукциите на кои вие учествувате. Пример, вашето име е "Никола Николовски", а вашето корисничко име кое сте го добиле при регистрацијата е "nikola". Вие учествувате на наддавање на 3 предмети во исто време, кои се сместени во различни категории. Во тој случај, наместо да одите последователно од една до друга категорија и да ја следите состојбата, ја штиклирате оваа опција и во графата за пребарување го внесувате зборот "nikola". Во табелата со резултати ќе бидат подредени само предметите за аукциска продажба на кои учествувате вие. Понатаму, следењето на предметите е полесно, зашто тие се подредени во една табела еден по друг, иако припаѓаат на различни категории.